សូមអបអរម៉ាក់! ប្រហែលជាដល់ពេលអន្ទះសារចង់ឃើញមុខកូនមែនទែនហើយ ព្រោះដល់ពេលដែលត្រូវស្វែងយល់ និងសម្រេចចិត្តផ្ដល់កំណើតអាអូន ដើម្បីក្លាយជាម៉ាក់ពេញលេញបន្ទាប់ពីពពោះអស់ច្រើនខែមក។ ម៉ាក់មួយចំនួនបារម្ភណាស់ ភ័យណាស់ តែកុំបារម្ភពេកអី ព្រោះខាងក្រោមនេះ យើងនឹងបកស្រាយលម្អិតរាល់ចម្ងល់ រាល់ការសង្ស័យ និងភាពមិនច្បាស់លាស់ជាច្រើនដែលបង្កក្ដីកង្វល់និងអារម្មណ៍ភិតភ័យដល់ម៉ាក់មួយចំនួន ពីជម្រើសនៃការសម្រាល។ ម៉ាក់សឹងគ្រប់រូប ជាពិសេសកូនដំបូងមានចម្ងល់ដូចគ្នាថា តើខ្ញុំគួរសម្រាលដោយវះកាត់ ឬតាមធម្មជាតិ? មួយណាល្អជាង ហើយគុណសម្បត្តិនិងគុណវិបត្តិរបស់ជម្រើសទាំង ២មានអីខ្លះជាដើម។

មធ្យោបាយសម្រាលកូនដោយការវះកាត់ជាដំណើរការវះកាត់បរិវេណពោះម៉ាក់និងស្បូនដើម្បីយកទារកក្នុងផ្ទៃនិងសុកចេញមកក្រៅ ជំនួសឲ្យការសម្រាលបែបធម្មជាតិ។ អាចនិយាយបានថាស្ត្រីមួយចំនួនជ្រើសរើសវិធីសម្រាលបែបទំនើបនេះដើម្បីកាត់បន្ថយហានិភ័យគ្រោះថ្នាក់មួយចំនួនទោះជាស្ថានភាពរាងកាយ និងសុខភាពគាត់គ្រប់គ្រាន់អាចសម្រាលដោយធម្មជាតិក៏ដោយ ប៉ុន្តែករណីខ្លះទៀតម៉ាក់ដែលមានស្ថានភាពមិនល្អគ្រប់គ្រាន់ដែលគ្រូពេទ្យបញ្ជាក់ថាត្រូវតែវះកាត់ជាជម្រើសតែមួយគត់ដើម្បីសុវត្ថិភាពទាំងម្ដាយនិងកូនក្នុងពោះ។ បញ្ជាក់ម្ដងទៀត ការសម្រាលដោយវះកាត់ក្នុងស្ថានភាពខ្លះជាភាពចាំបាច់ ហើយការសម្រេចចិត្តជួនកាលមិនស្ថិតលើម៉ាក់ជាអ្នកអារកាត់ទេ។

ម៉ាក់មួយចំនួនដឹងហើយឮហើយពីការសម្រាលដោយវះកាត់ ប៉ុន្តែមិនចង់សម្រាលបែបនេះទេ ក្រោយការស្វែងយល់ដឹងពីគុណវិបត្តិរបស់វា ឬនឹកដល់មុខកាំបិតមានអារម្មណ៍ភ័យខ្លាចជាដើម ប៉ុន្តែចៃដន្យអី ដល់ថ្ងៃសម្រាលទៅហើយទើបបង្ខំចិត្តប្ដូរការសម្រេចចិត្តតាំងពីដើមទី ពីការសម្រាលដោយធម្មជាតិ ទៅវះកាត់វិញ។ ចង់មិនចង់ការមិនបានត្រៀមចិត្តត្រៀមកាយចាក់ថ្នាំស្ពឹក ឬថ្នាំសណ្ដំឲ្យកាំបិតពេទ្យវះយកកូនពីក្នុងពោះនេះ ម៉ាក់អាចតក់ស្លុត ឬមានក្ដីបារម្ភផងខ្លាចផងក៏ថាបាន ទោះជាវាចំណាយពេលឆាប់រហ័សជាងក៏ដោយ។

ក្រោយចាប់កំណើត សុខភាពទារកល្អឬអត់ គឺរាប់គិតចាប់តាំងពីថ្ងៃសម្រាលម៉្លេះ ព្រោះជាទុន ជាគ្រឹះដ៏សំខាន់រហូតកូនធំ។ របាយការណ៍ពីការស្រាវជ្រាវនានាបញ្ជាក់ថាកត្តាហ្សែនពីឪពុកម្ដាយទៅកូន ជាផ្នែកដ៏សំខាន់ក្នុងការកំណត់ស្ថានភាពសុខភាពកូន។

ទោះជាការសម្រាលដោយវះកាត់មានផលប្រយោជន៍ច្រើនក៏ពិតមែន តែទារកដែលសម្រាលដោយជោគជ័យមិនមានឱកាសទទួលបានបាក់តេរីល្អច្រើនដូចការសម្រាលដោយធម្មជាតិទេ ដែលនេះទាមទារពេលវេលាយូរនិងពិបាកបន្តិចក្នុងការដែលមានសុខភាបប្រព័ន្ធភាពស៊ាំល្អ។ យ៉ាងណាក៏កូនយើងសម្រាលដោយជោគជ័យហើយដែរ ម៉ាក់កុំបារម្ភច្រើនពេកអី ព្រោះម៉ាក់នៅតែអាចបំបៅដោះកូនបាន ព្រោះទឹកដោះសម្បូរទៅដោយសារធាតុចាំបាច់ក្នុងការអភិវឌ្ឍប្រព័ន្ធភាពស៊ាំកូនឲ្យល្អប្រសើរ និងខ្លាំងជាងមុន។

ក្រោយពេលសម្រាលដោយវះកាត់ ម៉ាក់ៗត្រូវថែទាំខ្លួនឱ្យបានល្អ បើមិនអីចឹងទេ អាចបណ្តាលឱ្យមុខរបួសប្រេះ ឬឆ្លងរោគដែលអាចបង្កបញ្ហាសុខភាពច្រើន។ ចុងក្រោយ ម៉ាក់ៗគួរទៅជួបគ្រូពេទ្យដើម្បីធ្វើការពិនិត្យសុខភាពឡើងវិញបន្ទាប់ពីសម្រាលរួច ៦ សប្តាហ៍ ឬតាមការណែនាំរបស់គ្រូពេទ្យក្នុងគោលបំណងឱ្យគ្រូពេទ្យពិនិត្យសុខភាពទូទៅ ស្នាមវះ និងស្បូនជាដើម ថាតើម៉ាក់ៗជាសះស្បើយហើយឬនៅ៕

ក្រោយសម្រាលដោយវះកាត់ ម៉ាក់ៗគួរញុំាអាហារតិចៗ តែច្រើនដង និងទំពារឱ្យបានល្អិតល្អ ចៀសវាងញុំាឆ្អែតជ្រុល ដើម្បីជួយដល់ការរំលាយអាហារ។ មួយវិញទៀត ម៉ាក់ៗគួរសម្រាកឱ្យបានគ្រប់គ្រាន់ ព្រោះការគេងក៏ជួយឱ្យរាងកាយឆាប់ជាសះស្បើយ និងមានកម្លាំងដែរ៕

យ៉ាងណាបច្ចុប្បន្ននេះ មានម៉ាក់ៗមួយចំនួនបានជ្រើសរើសយកការសម្រាលដោយវះកាត់ ទាំងដែលម៉ាក់ៗ និងកូនក្នុងផ្ទៃមិនមានបញ្ហាអ្វីទាំងអស់។ ការធ្វើដូចនេះ ក៏ដោយសារ តែម៉ាក់ៗមួយចំនួន មិនចង់ឈឺពោះពេលសម្រាល ឬចង់បានថ្ងៃកំណើតកូនល្អជាដើម។ ក្នុងករណីនេះ ម៉ាក់ៗគួររង់ចាំឱ្យគភ៌មានអាយុយ៉ាងហោច ៣៩ សប្តាហ៍សិន ដើម្បីឱ្យកូនក្នុងផ្ទៃលូតលាស់បានពេញលេញល្អ និងគួរប្រឹក្សាជាមួយគ្រូពេទ្យពីផលវិបាកនានាឲ្យបានច្បាស់លាស់មុនសម្រេចចិត្ត៕

ដូចគ្នាដែរ prebiotics គឺជាអាហារសរសៃជួយដល់ការលូតលាស់របស់បាក់តេរីល្អក្នុងពោះវៀន ដែលប៉ាម៉ាក់អាចរកបានពីក្នុងអាហារដូចជាទំពាំងបារាំង និងចេកជាដើម។ បន្ថែមពីនេះ ទឹកដោះគោម្សៅមួយចំនួនមានទាំង probiotics និង prebiotics ឬSynbiotics តែម្ដង ដែលប៉ាម៉ាក់អាចស្វែងរកឲ្យកូនញ៉ាំ ដើម្បីបានប្រព័ន្ធការពាររាងកាយរឹងមាំ៕

ហេតុនេះហើយទើបកូនសម្រាលដោយវះកាត់អាចត្រូវការការថែទាំយកចិត្តទុកដាក់ជាពិសេសក្នុងការបង្កើនបាក់តេរីល្អក្នុងពោះវៀន ដើម្បីឲ្យកូនមានប្រព័ន្ធភាពស៊ាំរឹងមាំ៕

ក្រៅពីអ្វីទាំងនេះការមានសកម្មភាពរាងកាយ ការរក្សាអនាម័យខ្លួនប្រាណបានល្អ និងការគេងបានគ្រប់គ្រាន់ ក៏ជាការរួមចំណែកជួយពង្រឹងប្រព័ន្ធភាពស៊ាំរបស់កូនដូចគ្នា។ ហេតុនេះហើយ ក្រៅពីររបអាហារ ប៉ាម៉ាក់ក៏គួរយកចិត្តទុកដាក់លើចំណុចទាំងនេះផងដែរ៕

ចំណែក probiotics វិញគឺជាបាក់តេរីល្អ ដែលអាចជួយរក្សាលំនឹងបាក់តេរីក្នុងពោះវៀនកូន ហើយការដែលមានលំនឹងបាក់តេរីល្អនៅក្នុងពោះវៀន គឺជាការជួយទ្រទ្រង់ប្រព័ន្ធភាពស៊ាំកូន ក្នុងការប្រឆាំងនឹងការឆ្លងមេរោគផ្សេងៗ។ អាហារសម្បូរ probiotics ដូចជាគីមឈី និងយ៉ាងអ៊ួរ។ ក្រៅពីនេះផលិតផលម្សៅទឹកដោះគោមួយចំនួនក៏មានផ្ទុកទាំងprobiotics និង prebiotics ឬគេហៅម្យ៉ាងទៀតថា Synbiotics ដែល Synbiotics នេះគឺជាការរួមបញ្ចូលគ្នារវាង prebiotics និង probiotics៕

ការសិក្សាជាច្រើនរកឃើញថាទារកសម្រាលដោយវះកាត់មិនបានទទួលបាក់តេរីល្អពីម្ដាយច្រើនដូចកូនសម្រាលតាមធម្មជាតិទេ។ កូនសម្រាលតាមធម្មជាតិបានឆ្លងកាត់ទ្វារមាសម្ដាយដែលជាកន្លែងមានបាក់តេរីល្អហើយកូនអាចទទួលបាន ចំណែកកូនសម្រាលដោយវះកាត់មិនបានអ្វីទាំងនេះទេ។

បន្ទាប់ពីសម្រាលកូនដោយវះកាត់ ជាធម្មតាម៉ាក់ៗនឹងជួបបញ្ហាឈឺមុខរបួស និងអាចមានហូរឈាមតិចៗផង។ ដូចនេះហើយម៉ាក់ៗត្រូវការពេលវេលាមួយរយៈដើម្បីថែទាំខ្លួនឲ្យមុខរបួសឆាប់ជាសះស្បើយ។ ទន្ទឹមនឹងការរក្សាខ្លួនឲ្យរបួសឆាប់ជានៅប៉ុន្មានសប្ដាហ៍ដំបូង ម៉ាក់ៗ ក៏ត្រូវយកចិត្តទុកដាក់ថែទាំកូនទើបសម្រាលផងដែរ។ ហេតុនេះហើយម៉ាក់ៗគួរស្វែងយល់ចំណុចទាំងនេះដើម្បីថែខ្លួនផង និងថែកូនឲ្យបានល្អផង។