ការសិក្សានានារួមទាំងនៅប្រទេសអូស្រ្តាលីផងបានអះអាងថាប្រព័ន្ធភាពស៊ាំរបស់ទារកលូតលាស់ក្នុងរយៈពេលបួ នសប្ដាហ៍ដំបូងបន្ទាប់ពីថ្ងៃសម្រាល ហើយថាមធ្យោបាយនៃការសម្រាលមានឥទ្ធិពលលើការអភិវឌ្ឍ ជាប្រក្រតីនៃប្រព័ន្ធភាពស៊ាំរបស់ទារក។
ការសិក្សាបញ្ជាក់ថាកូនសម្រាលដោយវះកាត់បានទទួលបាក់តេរីតិចតួចពីពោះវៀន និងទ្វារមាសរបស់ម្ដាយ ដែលការណ៍នេះមានឥទ្ធិពលលើសមាសធាតុបាក់តេរីក្នុងពោះវៀនរបស់ទារក និងការអភិវឌ្ឍប្រព័ន្ធភាពស៊ាំ របស់ទារក។
ថ្វីត្បិតតែទារកសម្រាលដោយវះកាត់ប្រឈមនឹងការមានបាក់តេរីល្អក្នុងពោះវៀនតិចជាងកូនកើតតាមធម្មជាតិ ដែលអាចនាំឲ្យមានប្រព័ន្ធភាពស៊ាំខ្សោយជាងដែរនោះក្ដី ប៉ុន្តែការផ្ដល់អាហារូបត្ថម្ភល្អៗដល់កូន អាចរួមចំណែកជួយពង្រឹងប្រព័ន្ធភាពស៊ាំ ក៏ដូចជាសុខភាពក្រពះពោះវៀនកូនបានដែរ។
១. ពង្រឹងប្រព័ន្ធភាពស៊ាំកូនជាមួយអាហារសម្បូរ probiotics និង prebiotics
ពិតជាមានសារសំខាន់ក្នុងការផ្ដល់ឲ្យកូននូវអាហារដែលសម្បូរទៅដោយ probiotics។ នៅក្នុងពោះវៀនយើង ក៏ដូចជាកុមារ គឺមានទាំងបាក់តេរីល្អ និងមិនល្អ ហើយ probiotics ជួយធ្វើឲ្យមានលំនឹងរវាងបាក់តេរីល្អ និងមិនល្អនៅក្នុងពើវៀនកូន។ យ៉ាអ៊ួរជាអាហារដែលក្មេងៗចូលចិត្ត ហើយវាក៏សម្បូរពពួល probiotics ណាស់ដែរ។ ក្រៅពីនេះអាហារជ្រក់ក៏ជាប្រភពនៃprobiotics ដូចគ្នា។
ដូចគ្នាដែរ prebiotics ក៏ជាអ្វីដែលម៉ាក់ៗគួរផ្ដក់ឲ្យកូនញ៉ាំ ពិសេសកូនដែលសម្រាលដោយវះកាត់។ prebiotics គឺជាពពួកអាហារសរសៃដែលជួយជំរុញដល់ការលូតលាស់របស់បាក់តេរីល្អ។ អាហារដែលសម្បូរ prebiotics គឺចេក ប៉ិកួៈ និងទំពាំងបារាំង។
ក្រៅពីនេះអាហារដែលសម្បូរ Synbiotics ក៏ជាប្រភេទដែលស័ក្ដិសមបំផុតសម្រាប់កុមារដែល សម្រាលដោយវះកាត់ដែរ។ Synbiotics ជាការរួមបញ្ចូលគ្នារវាងprobiotics និង prebiotics ដែលល្អសម្រាប់សុខភាពក្រពះពោះវៀនកូន និងការពង្រឹងប្រព័ន្ធភាពស៊ាំកូន។ Synbiotics អាចរកបាននៅក្នុងផលិតផលទឹកដោះគោម្សៅមួយចំនួន។
២. ពង្រឹងប្រព័ន្ធភាពសាំុកូនជាមួយវីតាមីន D
មជ្ឈមណ្ឌលត្រួតពិនិត្យ និងបង្ការជំងឺ (CDC) អាមេរិក លើកឡើងថាវីតាមីន D មិនត្រឹមតែមានសារសំខាន់ចំពោះសុខភាពឆ្អឹង សាច់ដុំ និងដំណើរការប្រព័ន្ធប្រសាទនោះទេ តែថែមទាំងជួយដល់ប្រព័ន្ធភាពស៊ាំប្រឆាំងបាក់តេរី និងវីរុសទៀតផង។ ចំពោះទារកវិញ គឺចាំបាច់ណាស់ក្នុងការទទួលបានវីតាមីន D នៅពេលទើបនឹងកើត។ រាងកាយយើងអាចស្រូបវីតាមីន D ពីពន្លឺព្រះអាទិត្យ ប៉ុន្តែទាំងមនុស្សធំ និងកុមារមិនត្រូវបណ្ដោយខ្លួនឲ្យត្រូវពន្លឺព្រះអាទិត្យនៅម៉ោងដែលព្រះអាទិត្យ កំពុងបញ្ចេញកម្ដៅខ្លាំងនោះទេ ព្រោះអាចប្រឈមហានិភ័យជំងឺមហារីកស្បែកទៅវិញ។ ក្រៅពីនេះ បើកូនវ័យធំគ្រប់គ្រាន់អាចញ៉ាំអាហារផ្សេងៗបានដូចជាត្រីសាល់ម៉ុន ឬត្រីធូណា ប៉ាម៉ាក់អាចឲ្យកូនញ៉ាំត្រីទាំងនេះបានដែរ ព្រោះក៏មានផ្ធុកវីតាមីន D។
៣. ពង្រឹងប្រព័ន្ធភាពសាំុកូនជាមួយនឹងរ៉ែស័ង្កសី
មិនខុសគ្នាពីវីតាមីន D ដែរ រ៉ែស័ង្កសី ក៏ជួយជំរុញដល់ប្រព័ន្ធភាពស៊ាំប្រឆាំងការនឹងឆ្លងមេរោគផ្សេងៗ និងព្រមទាំងជួយដល់ការលូតលាស់ប្រព័ន្ធប្រសាទកុមារផងដែរ។ ស័ង្កសីអាចរកបានពីអាហារមួយចំនួនដូចជាសាច់ក្រហម សាច់មាន់ សណ្ដែក និងគ្រាប់ធញ្ញជាតិមួយ ចំនួនទៀត។
ក្រៅពីអ្វីទាំងនេះការមានសកម្មភាពរាងកាយ ការរក្សាអនាម័យខ្លួនប្រាណបានល្អ និងការគេងបានគ្រប់គ្រាន់ ក៏ជាការរួមចំណែកជួយពង្រឹងប្រព័ន្ធភាពស៊ាំរបស់កូនដូចគ្នា។ ហេតុនេះហើយ ក្រៅពីររបអាហារ ប៉ាម៉ាក់ក៏គួរយកចិត្តទុកដាក់លើចំណុចទាំងនេះផងដែរ៕
This article, for the introduction part, gives some information about the health risk of c-section born babies, like babies get lesser bacteria from mom’s gut and vagina than vaginal born baby. Then we lead mom to consider helping improve baby immunity by providing a healthy diet to the baby. There are prebiotics and probiotics food, Zinc, and Vitamin D.
Sources:
Why Micronutrients Matter,
https://www.cdc.gov/nutrition/micronutrient-malnutrition/about-micronutrients/why-it-matters.html
How To Build Up Your Kid’s Immune System,
https://health.clevelandclinic.org/how-to-boost-your-kids-immunity/
C-Sections Won't Raise Baby's Odds for Food Allergies,
