Building immunity for your c-section baby

Building immunity for your c-section baby
វិធីបង្កើតប្រព័ន្ធភាពស៊ាំឲ្យកូន បើម៉ាក់សម្រាលដោយវះកាត់

ឥទ្ធិពលការសម្រាលដោយវះកាត់លើប្រព័ន្ធភាពស៊ាំទារក

ក្រោយចាប់កំណើត សុខភាពទារកល្អឬអត់ គឺរាប់គិតចាប់តាំងពីថ្ងៃសម្រាលម៉្លេះ ព្រោះជាទុន ជាគ្រឹះដ៏សំខាន់រហូតកូនធំ។ របាយការណ៍ពីការស្រាវជ្រាវនានាបញ្ជាក់ថាកត្តាហ្សែនពីឪពុកម្ដាយទៅកូន ជាផ្នែកដ៏សំខាន់ក្នុងការកំណត់ស្ថានភាពសុខភាពកូន។ ជាក់ស្ដែងបើម៉ាក់ប៉ាមានជំងឺអាល្លែកហ្ស៊ី កូនកើតមកអាចមានបញ្ហានេះដូចគ្នាចន្លោះពី ២០% - ៤០% តាមរយៈហ្សែនចម្លងទៅកូន។ ឯកត្តាបរិស្ថានជុំវិញការផ្ដល់ផលមិនល្អដល់កូនមានដូចជា ការសម្រាលដោយវះកាត់ វិធីនេះអាចប៉ះពាល់ដល់ប្រព័ន្ធភាពស៊ាំទារក ក្នុងរង្វង់ ៣០%។ សូម្បីតែការប្រើប្រាស់ថ្នាំផ្សះ ក៏ប៉ះពាល់ដល់ប្រព័ន្ធភាពស៊ាំកូនដូចគ្នា។

ថ្ងៃដែលកូនចេញពីផ្ទៃម្ដាយ ជាថ្ងៃសំខាន់បំផុតដែលកំណត់ពីស្ថានភាពកូនថាល្អ ឬអត់។

ការសម្រាលដោយវះកាត់ ជះផលអវិជ្ជមាន និងផលប៉ះពាល់ដល់ទារកដែលចាប់កំណើតតាមមធ្យោបាយទំនើបនេះ ហើយផលរំខាននឹងបន្តរហូតដល់កូនធំ។ ហេតុអ្វី? ព្រោះសម្រាលដោយវះកាត់ធ្វើឲ្យសរីរាង្គតូចៗគ្រប់ផ្នែកទាំងអស់នៃរាងកាយទារកមិនបានឆ្លងកាត់តាមដំណាក់់ មិនបានប៉ះផ្ទាល់ជាមួយបរិយាកាសខាងក្រៅ មិនទទួលបានProbiotics (បាក់តេរីល្អ) ដូចការសម្រាលដោយធម្មជាតិ រាប់ចាប់តាំងពីរាងកាយទារករំកិលពីមាត់ស្បូន រហូតចេញមកក្រៅផ្ទៃម្ដាយតាមទ្វារមាស។ Probiotics (បាក់តេរីល្អ) ជាចំណែកដ៏សំខាន់ក្នុងការជួយអភិវឌ្ឍន៍ប្រព័ន្ធភាពស៊ាំទារករហូតធំដឹងក្ដី។ អ៊ីចឹងហើយបានជាការសម្រាលដោយវះកាត់បាត់បង់ ឬមិនបានទទួលProbiotics (បាក់តេរីល្អ) ពីម៉ាក់ដែលសម្រាលដោយធម្មជាតិ។ ការសិក្សាលើកុមារចំនួន ១,៩លាននាក់បានបង្ហាញលទ្ធផលថា ទារកដែលម៉ាក់សម្រាលដោយវះកាត់ សុទ្ធតែប្រឈមនឹងហានិភ័យសុខភាពខ្ពស់ខុសៗគ្នា បើធៀបនឹងការសម្រាលតាមបែបធម្មជាតិ។

ទឹកដោះម្ដាយជាសារធាតុដ៏ល្អបំផុតសម្រាប់កូន ព្រោះវាមាន Synbiotics ដែលជាការសំយោគបញ្ចូលគ្នារវាង Probiotics (បាក់តេរីល្អ) និង Prebiotics (ចំណីសម្រាប់បាក់តេរីល្អ)។

Prebiotics ជាចំណីសម្រាប់បាក់តេរីល្អ វានឹងជួយបាក់តេរីល្អឲ្យលូតលាស់ល្អដូចគ្នា។ ហើយនៅពេលដែលProbiotics (បាក់តេរីល្អ) និង Prebiotics (ចំណីសម្រាប់បាក់តេរីល្អ) បូកបញ្ចូលគ្នាយើងហៅថា Synbiotic។ មុខងាររបស់ Synbiotic នឹងរួមចំណែកដ៏សំខាន់ក្នុងការអភិវឌ្ឍប្រព័ន្ធភាពស៊ាំក្នុងក្រពះពោះវៀនកូន កាត់បន្ថយអតិសុខុមប្រាណបង្កជំងឺនានា ការពារជំងឺឆ្លង និងអភិវឌ្ឍន៍ប្រព័ន្ធការពាររាងកាយទារកទាំងមូល។ បើកូនតូចទទួលបានសារធាតុចិញ្ចឹម Synbiotic គ្រប់គ្រាន់ មានន័យថាទោះម៉ាក់សម្រាលដោយការវះកាត់ ក៏គេនៅតែមានសុខភាពល្អ និងប្រព័ន្ធភាពស៊ាំរឹងមាំដូចកូនដែលសម្រាលដោយធម្មជាតិដូចគ្នា។ ទឹកដោះម្ដាយដើរតួសំខាន់បំផុត ប្រៀបដូចជាថ្នាំបង្ការ ឬជាវ៉ាក់សាំងការពារប្រព័ន្ធការពាររាងកាយទារកដើម្បីអភវិឌ្ឍប្រព័ន្ធភាពស៊ាំឲ្យល្អប្រក្រតីដូចក្មេងដែលម៉ាក់សម្រាលដោយធម្មជាតិ។ សុខភាពប្រព័ន្ធភាពស៊ាំចាំបាច់ណាស់ក្នុងការលូតលាស់ប្រកបដោយសុខភាពល្អ របស់ទារក ចៀសវាងការបង្កជាជំងឺ បង្អាក់ការលូតលាស់ និងការអភិវឌ្ឍរាងកាយក្មេង។ ដូច្នេះម៉ាក់គួរបំបៅដោះកូនយ៉ាងហោចឲ្យបាន ៦ខែ ឬបន្តបំបៅយូរតាមដែលអាចធ្វើបាន។ ចំណុចសំខាន់មួយទៀតករណីដែលម៉ាក់មានជម្រើសមិនចង់បំបោះដោះកូនទេ ឬដោយសារលក្ខខណ្ឌសុខភាពមិនអំណោយផល ម៉ាក់គួរប្រឹក្សាយោបល់ជាមួយវេជ្ជបណ្ឌិតជំនាញស្វែងរកមធ្យោបាយល្អបំផុតក្នុងការបំពេញបំប៉នបន្ថែមឲ្យបានគ្រប់គ្រាន់លើ អាហារូបត្ថម្ភនិងសារធាតុចិញ្ចឹមឲ្យកូន។
ប្រធានបទពាក់ព័ន្ធ
me can biet ve sinh mo

សម្រាលតាមធម្មជាតិ និងវះកាត់ ខុសគ្នាយ៉ាងម៉េច ហើយមួយណាល្អជាង?

សូមអបអរម៉ាក់! ប្រហែលជាដល់ពេលអន្ទះសារចង់ឃើញមុខកូនមែនទែនហើយ ព្រោះដល់ពេលដែលត្រូវស្វែងយល់ និងសម្រេចចិត្តផ្ដល់កំណើតអាអូន ដើម្បីក្លាយជាម៉ាក់ពេញលេញបន្ទាប់ពីពពោះអស់ច្រើនខែមក។ ម៉ាក់មួយចំនួនបារម្ភណាស់ ភ័យណាស់ តែកុំបារម្ភពេកអី ព្រោះខាងក្រោមនេះ យើងនឹងបកស្រាយលម្អិតរាល់ចម្ងល់ រាល់ការសង្ស័យ និងភាពមិនច្បាស់លាស់ជាច្រើនដែលបង្កក្ដីកង្វល់និងអារម្មណ៍ភិតភ័យដល់ម៉ាក់មួយចំនួន ពីជម្រើសនៃការសម្រាល។ ម៉ាក់សឹងគ្រប់រូប ជាពិសេសកូនដំបូងមានចម្ងល់ដូចគ្នាថា តើខ្ញុំគួរសម្រាលដោយវះកាត់ ឬតាមធម្មជាតិ? មួយណាល្អជាង ហើយគុណសម្បត្តិនិងគុណវិបត្តិរបស់ជម្រើសទាំង ២មានអីខ្លះជាដើម។

me can biet ve sinh mo

លម្អិតពីការសម្រាលដោយវះកាត់ ទាំងគុណសម្បត្តិនិងផលវិបាក

មធ្យោបាយសម្រាលកូនដោយការវះកាត់ជាដំណើរការវះកាត់បរិវេណពោះម៉ាក់និងស្បូនដើម្បីយកទារកក្នុងផ្ទៃនិងសុកចេញមកក្រៅ ជំនួសឲ្យការសម្រាលបែបធម្មជាតិ។ អាចនិយាយបានថាស្ត្រីមួយចំនួនជ្រើសរើសវិធីសម្រាលបែបទំនើបនេះដើម្បីកាត់បន្ថយហានិភ័យគ្រោះថ្នាក់មួយចំនួនទោះជាស្ថានភាពរាងកាយ និងសុខភាពគាត់គ្រប់គ្រាន់អាចសម្រាលដោយធម្មជាតិក៏ដោយ ប៉ុន្តែករណីខ្លះទៀតម៉ាក់ដែលមានស្ថានភាពមិនល្អគ្រប់គ្រាន់ដែលគ្រូពេទ្យបញ្ជាក់ថាត្រូវតែវះកាត់ជាជម្រើសតែមួយគត់ដើម្បីសុវត្ថិភាពទាំងម្ដាយនិងកូនក្នុងពោះ។ បញ្ជាក់ម្ដងទៀត ការសម្រាលដោយវះកាត់ក្នុងស្ថានភាពខ្លះជាភាពចាំបាច់ ហើយការសម្រេចចិត្តជួនកាលមិនស្ថិតលើម៉ាក់ជាអ្នកអារកាត់ទេ។

កំណត់សម្គាល់សំខាន់៖
គ្មានអ្វីប្រសើរជាងការបំបៅកូនដោយទឹកដោះម្តាយតែមួយមុខគត់រហូតបាន៦ខែ និងបន្តការបំបៅដោះម្តាយរហូតបានអាយុ២ឆ្នាំ ឬលើសឡើយ។ យោងតាមអនុក្រឹត្យ 133។

ការចិញ្ចឹមកូនដោយបំបៅដោះ គឺជាទម្រង់ដ៏ល្អបំផុតសម្រាប់ទារក ហើយផ្តល់អត្ថប្រយោជន៍ ជាច្រើនទៅដល់ទារក និងមាតា។ នៅក្នុងពេលត្រៀមបំបៅដោះ និងអំឡុងពេលបំបៅដោះ វាគឺជាការសំខាន់ដែល គួរតែទទួលទាន នូវរបបអាហារដែលមានតុល្យភាព និងសុខភាពល្អ។ ការបំបៅដោះ និងប្រើទឹកដោះគោផងរួមគ្នា នៅសប្តាហ៍ ដំបូងនៃជីវិត អាចកាត់បន្ថយការផ្គត់ផ្គង់នៃទឹកដោះ ហើយនឹងធ្វើឲ្យការបំបៅទឹកដោះមានភាព លំបាក។ ជានិច្ចកាល ត្រូវពិគ្រោះយោបល់ជាមួយអ្នកជំនាញថែទាំសុខភាពដើម្បីសុំដំបូន្មានអំពីការចិញ្ចឹមកូនរបស់អ្នក។ បើសិនអ្នកប្រើទឹកដោះគោម្សៅផ្សំតាមរូបមន្ត អ្នកគួរធ្វើតាមការណែនាំរបស់រោងចក្រផលិត ដើម្បីប្រើប្រាស់ឲ្យបានប្រុងប្រយ័ត្ន។