តិច​និក​រៀប​ចំ​អាហារូបត្ថម្ភ​ល្អ​សម្រាប់​បេប៊ី

នែ៎គ្នាយើង កំពុងចាប់ផ្តើមឲ្យអូនៗតូចៗរៀនញ៉ាំអាហារលក្ខណៈគ្រួសារមែនអត់? បើទោះជាពេលនេះអូនៗអាចចាប់ផ្តើមញ៉ាំអាហារទូទៅក៏ដោយ ប៉ុន្តែម៉ាក់ៗនៅតែត្រូវដឹងថា អ្វីជាអាហារគ្រឹះសំខាន់សម្រាប់សុខភាពអូនៗដែរ ព្រោះយ៉ាងអូនៗពេលនេះ មិនទាន់ឈានដល់ក្មេងជំទង់នៅឡើយទេ។

របបអាហារកូនយើង សុទ្ធតែមានឥទ្ធិពលល្អទៅលើការអភិវឌ្ឍន៍របស់គេ ហើយគ្នាយើងជាច្រើន ក៏ច្បាស់ជាបានដឹងដូចគ្នា។ ប៉ុន្តែដើម្បីដឹងថា ឥទ្ធិពលនៃរបបអាហារមាននិរន្តភាពម៉េចខ្លះចំពោះសុខភាពអូនៗនៅពេលអនាគត គឺមានតែការសិក្សាស្រាវជ្រាវប៉ុណ្ណោះ អាចពន្យល់បាន។

ក្រុមអ្នកវិទ្យាសាស្ត្រអន្តរជាតិ កំពុងពិភាក្សាពីជីវិត ១០០០ថ្ងៃដំបូងរបស់ក្មេង ជាពេលវេលាដែលរបបអាហារ មានឥទ្ធិពលរយៈពេលវែងទៅលើការអភិវឌ្ឍន៍របស់ក្មេងនាថ្ងៃអនាគត។ ការសិក្សាគឺផ្តោតលើរបបអាហារសមស្រប និងការផ្លាស់ប្តូរអាហារសម្រាប់ក្មេងទៅតាមវ័យរបស់គេ ដោយបញ្ចូលនូវរបបអាហារគ្រឹះចម្បង មានឥទ្ធិពលអាចជួយបញ្ចៀសពីការឈឺថ្កាត់ផ្សេងៗ ពិសេសពេលអូនៗតូចៗធំឈានដល់វ័យជំទង់។

នៅ សឹង្ហបុរី ដោយសារការរៀបចំរបបអាហារទាំងតាមវ័យឲ្យបានសមស្រប គ្មានអ្វីពិបាកនោះ ចុងបញ្ចប់បានធ្វើឲ្យប្រទេសនេះ ត្រូវចាត់ជាប្រទេសមានលក្ខខណ្ឌរបបអាហារល្អបំផុតសម្រាប់បេប៊ី។ ទោះយ៉ាងណាក៏ដោយ ការសិក្សាអន្តរជាតិខាងលើ បានណែនាំ ទារកតូចៗ មិនគួរទទួលយករបបអាហារមានសារធាតុចិញ្ចឹមច្រើនពេកទេ។ នេះជាហេតុផល ទារកតូចៗនៅសឹង្ហបុរី ទទួលបានជាតិអ៊ីយ៉ូដ និងវីតាមីន D ទាបជាងការណែនាំទូទៅ ដែលជាមធ្យមទារកនៅប្រទេសនេះ ទទួលបានជាតិអ៊ីយ៉ូដទាបជាងការណែនាំប្រមាណ ៥១ភាគរយ ខណៈវីតាមីន D ទាបជាងការណែនាំប្រមាណ ៦ភាគរយ ខណៈបញ្ហាទាំងនេះ ជាញឹកញាប់ទៅក្នុងរបបអាហារគ្មានតុល្យភាពសម្រាប់ក្មេងតូចដែលទើបតែចេះដើរតេះតះ។