ដំណើរ និងដំណាក់កាលលូតលាស់របស់កូនពេលគេអាយុបានប៉ុណ្ណេះ
ជំហានដ៏សំខាន់នៃការលូតលាស់របស់អូនៗតូចៗ គឺមាននៅក្នុងអត្ថបទនេះ របស់ AptaAdvantage។ រាល់ក្មេងៗទាំងអស់ គឺមានការលូតលាស់ខុសៗគ្នា ហើយវាជាចាប់ផ្តើមដំបូង អាចនិយាយបានថា មុនឈានដល់ចំណុចមួយអូនៗអាចក្រោកឈរបាន។ ការណ៍ដែលដឹងពីសំណាក់កាលលូតលាស់របស់កូន នឹងជួយប៉ាម៉ាក់ទាំងអស់ យល់ដឹងពីដំណើរលូតលាស់ និងអាចទទួលបានបទពិសោធ ក្នុងការថែទាំកូនតូចៗឲ្យបានកាន់តែប្រសើរ។
ដំណើរលូតលាស់ និងអភិវឌ្ឍរបស់អូនៗតូចៗតាមខែ
១- ពេលអូនៗអាយុ ១៣ខែ
អ្វីដែលក្មេងតូចអាចចាប់ផ្តើមរៀនពេលនេះ
បើអូនៗស្តាប់ចំរៀង ហើយព្យាយាមធ្វើទៅតាមចង្វាក់ ប៉ាម៉ាក់ អាចលើកទឹកចិត្តឲ្យអូនៗឡើងរាំជាមួយយើង។ យើងអាចទះដៃ ហើយច្រៀងបន្ទរ ដូចអ្វីអូនកំពុងធ្វើ។ អំឡុងពេលនេះ ប៉ាៗចាំបាច់នៅជាមួយអូនៗដូចគ្នា ព្រោះអូនៗអាចមិនសូវយកចិត្តទុកដាក់លើសកម្មភាពម៉ាក់ៗគេនោះទេ។ ធម្មតាក្មេងៗសុទ្ធតែចូលចិត្តរាំច្រៀងក៏ពិតមែន ប៉ុន្តែប៉ាម៉ាក់ ក៏មិនគួរឲ្យអូនរាំច្រៀងច្រើនម៉ោងពេកទេ។ គួររៀបចំពេលឲ្យអូនៗសម្រាកឲ្យបានសមរម្យ។
អ្វីដែលអូនៗត្រូវការ
អំឡុងពេលនេះ អូនៗតូចៗច្បាស់ជាចូលចិត្តរបស់ផ្អែមៗជាងគេ ជាពិសេសស្ករគ្រាប់។ យ៉ាងណា ប៉ាម៉ាក់គួរឲ្យអូនៗញ៉ាំផ្លែឈើជំនួសវិញ ព្រោះវាមានរសជាតិផ្អែមបែបធម្មជាតិ និងជួយឲ្យកូនយើងមានសុខភាពល្អទៀតផង។ បើអាច យើងគួរឲ្យផ្លែឈើច្រើនមុខទៅអូនៗញ៉ាំ ខណៈលើចានអាហាររបស់អូនៗ គួររៀបចំឲ្យទាក់ទាញ ជួយឲ្យអូនៗសប្បាយចិត្តនឹងញ៉ាំអាហារល្អៗទាំងនោះ។
ដំបូន្មានពី AptaAdvantage
របបអាហារសក្តិសមសម្រាប់អូនៗទើបចេះដើរ គឺត្រូវតែផ្សាភ្ជាប់ជាមួយនឹងសុខភាព។ អាហារមានតុល្យភាព ជាមួយនឹងការហាត់ប្រាណសមរម្យ សុទ្ធតែជួយកូនយើងកាត់បន្ថយអត្រាប្រឈមជំងឺធាត់បាន។ ទោះជាយ៉ាងណា ដំណើរលូតលាស់ពីមួយឆ្នាំទៅមួយឆ្នាំចំពោះក្មេងៗ សុទ្ធតែត្រូវការផ្លាស់ប្តូររសជាតិ និងបង្កើនភាពសប្បាយរីករាយ។ កុំបង្ខំកូនឲ្យញ៉ាំអាហារនៅពេលគេឆ្អែត ឬត្រូវញ៉ាំឲ្យអស់ពីចានក៏មិនគួរឲ្យស្ករគ្រាប់ទៅអូនៗ ដើម្បីឲ្យអូនៗញ៉ាំអាហារឲ្យអស់នោះដែរ។ បើយើងមើលទៅអូនៗញ៉ាំឆ្អែតហើយ គួរសរសើរអូនៗទើបជាការល្អ។
២- ពេលអូនៗ អាយុ ១៤ខែ
អ្វីដែលក្មេងតូចអាចចាប់ផ្តើមរៀនពេលនេះ
អូនៗអាចនឹងយកចិត្តទុកដាក់គ្រប់យ៉ាងយើងបានធ្វើ ពិសេសពេលម៉ាក់ៗធ្វើការងារផ្ទះ។ ទោះបីជាឲ្យអូនៗជួយការងារផ្ទះយើង ជារឿងគួរឲ្យឈឺក្បាលក៏ពិតមែន ប៉ុន្តែមិនអីទេ គ្រាន់តែឲ្យអូនៗធ្វើការងារធម្មតាៗ ព្រោះវាជាការចាប់ផ្តើមឲ្យអូនៗស្វែងយល់ពីជំនាញជីវិតពួកគេ ដូចជាអាចឲ្យអូនៗយកខោអាវមកឲ្យយើងអ៊ុតជាដើម។ ត្រូវចាំថា ពេលឲ្យអូនៗធ្វើរឿងទាំងនោះ យើងមិនត្រូវនៅចាំជួយគេទេ ហើយត្រូវសរសើរលើកទឹកចិត្តអូនៗ តាមរយៈទឹកមុខសប្បាយញញឹមដាក់កូនពេលការងារទាំងនោះរួចរាល់។
អ្វីដែលអូនៗត្រូវការ
ទោះជាផ្ទះតុបតែងស្អាតឥតខ្ចោះយ៉ាងណា ក៏សំខាន់ជាងផ្ទះមានទីធ្លាធំ អូនៗអាចដើរលេងដោយសប្បាយចិត្តនោះដែរ ហើយត្រូវប្រាកដថា នៅក្នុងផ្ទះ គឺកូនយើងមានសុវត្ថិភាព។ យើងអាចបង្ការគ្រោះថ្នាក់ជាយថាហេតុចំពោះអូនៗ ដូចជាដាក់ខ្នើយ ខ្នើយខ្យល់ ឬកេះធំមួយឲ្យអូនៗលេងចុះឡើង នៅពីមុខយើងបាន។
ដំបូន្មានពី AptaAdvantage
មានរឿងជាច្រើនគ្នាយើងត្រូវពិចារណាឲ្យបានល្អិតល្អន់ មុខសម្រេចចិត្តត្រឡប់ទៅធ្វើការងារប្រចាំថ្ងៃដូចធម្មតាវិញ ក្នុងនោះ យើងត្រូវដឹងថា គួររង់ចាំរហូតទល់អូនៗអាយុបាន ៣ឆ្នាំ ឬត្រឡប់់ទៅធ្វើការវិញពេលអូនៗទើបបានមួយខួប។
ក្រោយត្រឡប់ចូលធ្វើការវិញ កាលវិភាគអាចនឹងតឹងតែងបន្តិចមែន ប៉ុន្តែធ្វើវាឲ្យបាន ព្រោះបើយើងអាចរៀបចំកាលវិភាគប្រចាំថ្ងៃឲ្យបានល្អទេនោះ អត្រាធ្វើឲ្យយើងស្ត្រេស ឬមិត្តរួមការងារមិនពេញចិត្តនឹងយើង ក៏កាត់បន្ថយដូចគ្នា។
ត្រូវចេះបែងចែកការងារសំខាន់ ចេញពីការងារដែលមិនសំខាន់ ពិសេសកាលវិភាគ ត្រូវរៀបចំពេលវេលាឲ្យបានល្អ ទាំងការមើលថែទាំអូនៗ ការរៀបចំផែនជីវិតក្នុងគ្រួសារ ជាមួយប្តីយើងជាដើម។
២- ពេលអូនៗអាយុ ១៥ខែ
អ្វីដែលក្មេងតូចអាចចាប់ផ្តើមរៀនពេលនេះ
អូនៗអាចនឹងយកចិត្តទុកដាក់គ្រប់យ៉ាងយើងបានធ្វើ ពិសេសពេលម៉ាក់ៗធ្វើការងារផ្ទះ។ ទោះបីជាឲ្យអូនៗជួយការងារផ្ទះយើង ជារឿងគួរឲ្យឈឺក្បាលក៏ពិតមែន ប៉ុន្តែមិនអីទេ គ្រាន់តែឲ្យអូនៗធ្វើការងារធម្មតាៗ ព្រោះវាជាការចាប់ផ្តើមឲ្យអូនៗស្វែងយល់ពីជំនាញជីវិតពួកគេ ដូចជាអាចឲ្យអូនៗយកខោអាវមកឲ្យយើងអ៊ុតជាដើម។ ត្រូវចាំថា ពេលអនុញ្ញាតឲ្យអូនៗធ្វើរឿងទាំងនោះ យើងមិនត្រូវនៅចាំជួយគេទេ ហើយត្រូវសរសើរលើកទឹកចិត្តអូនៗ តាមរយៈទើបមុខសប្បាយរីករាយរបស់យើងនៅពេលការងារទាំងនោះរួចរាល់។
អ្វីដែលអូនៗត្រូវការ
ទោះជាផ្ទះតុបតែងស្អាតឥតខ្ចោះយ៉ាងណា ក៏សំខាន់ជាងផ្ទះមានទីធ្លាធំ អូនៗអាចដើរលេងដោយសប្បាយចិត្តនោះដែរ ហើយត្រូវប្រាកដថា នៅក្នុងផ្ទះ គឺកូនយើងមានសុវត្ថិភាព។ យើងអាចបង្ការគ្រោះថ្នាក់ជាយថាហេតុចំពោះអូនៗ ដូចជាដាក់ខ្នើយ ខ្នើយខ្យល់ ឬកេះធំមួយឲ្យអូនៗលេងចុះឡើង នៅពីមុខយើងបាន។
ដំបូន្មានពី AptaAdvantage
មានរឿងជាច្រើនគ្នាយើងត្រូវពិចារណាឲ្យបានល្អិតល្អន់ មុខសម្រេចចិត្តត្រឡប់ទៅធ្វើការងារប្រចាំថ្ងៃដូចធម្មតាវិញ ក្នុងនោះ យើងត្រូវដឹងថា គួររង់ចាំរហូតទល់អូនៗអាយុបាន ៣ឆ្នាំ ឬត្រឡប់់ទៅធ្វើការវិញពេលអូនៗទើបបានមួយខួប។
ក្រោយត្រឡប់ចូលធ្វើការវិញ កាលវិភាគអាចនឹងតឹងតែងបន្តិចមែន ប៉ុន្តែធ្វើវាឲ្យបាន ព្រោះបើយើងអាចរៀបចំកាលវិភាគប្រចាំថ្ងៃឲ្យបានល្អទេនោះ អត្រាធ្វើឲ្យយើងស្ត្រេស ឬមិត្តរួមការងារមិនពេញចិត្តនឹងយើង ក៏កាត់បន្ថយដូចគ្នា។
ត្រូវចេះបែងចែកការងារសំខាន់ ចេញពីការងារដែលមិនសំខាន់ ពិសេសកាលវិភាគ ត្រូវរៀបចំពេលវេលាឲ្យបានល្អ ទាំងការមើលថែទាំអូនៗ ការរៀបចំផែនជីវិតក្នុងគ្រួសារ ជាមួយប្តីប្រពន្ធយើងជាដើម។
៤- ពេលអូនៗអាយុ ១៦ខែ
អ្វីក្មេងតូចអាចចាប់ផ្តើមរៀនពេលនេះ
អំឡុងពេលនេះ អូនៗតូចៗ អាចនឹងអភិវឌ្ឍន៍កាន់តែល្អជាងមុន ពិសេសគឺប្រតិកម្មរបស់អូនៗទៅលើកស្ថានការ ឬអ្វីមួយជាក់លាក់កើតឡើងជុំវិញខ្លួនគេ។ ការលូតលាស់ទាំងនេះ នឹងធ្វើឲ្យអូនៗអាចគ្រប់គ្រងខ្លួនឯងកាន់តែល្អឡើងៗ។ អូនៗអាចនឹងកាន់តែជឿជាក់លើខ្លួនឯង នៅពេលអូនៗស្ថិតក្នុងកន្លែងជាក់លាក់ណាមួយ ក៏ជាពេលវេលាអាចឲ្យអូនៗ បង្កើតការសម្រេចចិត្តសម្រាប់ខ្លួនឯងដូចគ្នា។
អ្វីដែលអូនៗត្រូវការ
ជាពេលដ៏សំខាន់សម្រាប់ប៉ាម៉ាក់ ចាប់ផ្តើបង្រៀនឲ្យកូនយើងប្រកាន់ខ្ជាប់អាកប្បកិរិយាឲ្យបានខ្ជាប់ខ្ជួន។ មានន័យថា យើងអាចចេញច្បាប់គ្រួសារឲ្យអូនៗអនុវត្តឲ្យបានត្រឹមត្រូវ តាមរយៈឧទាហរណ៍ជាក់ស្តែងយើងធ្វើឲ្យអូនៗមើល។ ត្រូវចាំ ម៉ាក់ប៉ា តែប្រដៅកូនដោយប្រើអារម្មណ៍ប្រែប្រួលខុសៗគ្នាពីមួយថ្ងៃទៅមួយថ្ងៃ គឺមិនអាចណែនាំកូនឲ្យធ្វើតាមអ្វីដែលត្រឹមត្រូវយើងចង់បាននោះទេ ហើយជាលទ្ធផល អូនៗនឹងមិនធ្វើតាមអ្វីច្បាប់គ្រួសារ ការគិត និងអ្វីយើងចង់បានដូចគ្នា ពេលខ្លះអូនៗនឹងមកតបជាមួយយើងក៏មាន។ អ្វីចាំបាច់បំផុតប៉ាម៉ាក់ត្រូវធ្វើ គឺអត់ធ្មត់ ដោយអាចលើកឡើងរឿងទាំងអស់និយាយជាមួយអូនៗដោយប្រុងប្រយ័ត្ន ច្បាស់ៗ និងប្រាប់ពីអ្វីយើងមិនពេញចិត្ត។ បែបនេះ អាចជួយកែតម្រូវអ្វីដែលអូនៗធ្វើខុស មកពីរឿងត្រឹមត្រូវវិញ។
ដំបូន្មានពី AptaAdvantage
ប៉ាៗគ្រប់រូប ជារឿយៗ សុទ្ធតែមើលឃើញកូនរបស់ខ្លួន នៅជ្រុងមួយខុសៗគ្នា ជាហេតុវិធីណែនាំឲ្យខុសគ្នាដែរ។ ការស្តីបន្ទោសអូនៗជារឿងមិនត្រឹមត្រូវនោះទេ គួរតែទុកពេលវេលា និងទីកន្លែងសមរម្យដើម្បីណែនាំអូនៗ បែបនេះ យើងនឹងអាចដឹងថា ជាប៉ាល្អម្នាក់ គួរណែនាំកូនដោយវិធីណា។
៥- ពេលអូនៗអាយុ ១៧ខែ
អ្វីក្មេងតូចអាចចាប់ផ្តើមរៀនពេលនេះ
ជាពេលអូនៗអាចចាប់ផ្តើមរៀននិយាយ និងសរសេរអក្សរបានហើយ ក៏ជាពេលសក្តិសមយើងអាចសួរនាំ និងឲ្យយោបល់កូនបានហើយ។ អំឡុងពេលនេះ អារម្មណ៍ម៉ួមៅ និងបញ្ហាផ្លូវអារម្មណ៍ផ្សេងៗទៀត សុទ្ធតែអាចកើតមាន។ ម្យ៉ាងវិញទៀត អូនៗអាចនឹងបង្ហាញអារម្មណ៍ខកចិត្តនៅអំឡុងពេលនេះ ពិសេសពេលគេធ្វើអ្វីមួយមិនបានជោគជ័យ។ អំឡុងពេលនេះ អាចនិយាយថា ជាផ្នែកមួយនៃការអភិវឌ្ឍន៍អាកប្បកិរិយាអូនៗឲ្យបានល្អ ហេតុនេះ ប៉ាម៉ាក់ៗ គួរតែទុកឱកាសឲ្យអូនៗ អាចបញ្ចេញកំហឹងពីក្នុងខ្លួនចេញមកក្រៅ។
អ្វីដែលអូនៗត្រូវការ
អំឡុងពេលនេះ អ្វីអូនៗត្រូវការ គឺថាមពល និងសារធាតុចិញ្ចឹមខ្ពស់ ប៉ុន្តែមិនមែនជារបបអាហារដូចគ្នាទៅនឹងក្មេងជំទង់ទេ។ អ្វីអូនៗត្រូវការញ៉ាំ គឺអាហារមានសារធាតុចិញ្ចឹមសមស្របទៅតាមអាយុរបស់គេ។
ដំបូន្មានពី AptaAdvantage
ម៉ាក់ប៉ា អាចបង្កើតនៅតុអាហារប្រកបដោយភាពរីករាយសម្រាប់កូនជាទីស្រលាញ់របស់យើង ជាមួយនឹងការច្នៃប្រឌិតលើអាហារបន្តិចបន្តួច ដើម្បីឲ្យមានភាពទាក់ទាញ។ ឧទាហរណ៍ យើងអាចកាត់នំស៊ាំងវិច ជាដុំៗមើលទៅទាក់ទាញ ឬអាចប្រើសរសៃមី ច្នៃជារង្វង់ ឬជារាងអក្សរដោយឲ្យអូនៗសប្បាយចិត្តនឹងញ៉ាំអាហារទាំងនោះ។
៦- ពេលអូនៗអាយុ ១៨ខែ
អ្វីក្មេងតូចអាចចាប់ផ្តើមរៀនពេលនេះ
ប៉ាម៉ាក់ អាចចាប់ផ្តើមបង្រៀនអូនៗពីវចនានុក្រមពាក្យ នៅពេលអូន មានវ័យចន្លោះ ១៦-១៨ ខែ។ អំឡុងពេលនេះ ក្មេងៗភាគច្រើន គឺអាចប្រកបពាក្យសាមញ្ញៗបានដូចជាពាក្យ "ម៉ាក់ៗ ឬ ប៉ាៗ" ជាមួយគ្នាក្នុងពេលតែមួយ។ ការនិយាយពីនេះពីនោះ និងការស្តាប់ សុទ្ធតែអាចជួយអូនៗយើង ស្វែងយល់កាន់តែច្រើនពីពាក្យគេបានរៀន យល់ពីសកម្មភាព និងប្រធានបទយើងកំពុងនិយាយ ឬឈ្មោះមនុស្សផ្សេងៗគ្នា។ អំឡុងពេលនេះដែរ អូនៗអាចនឹងចេះបង្កើតពាក្យបញ្ចូលគ្នាយ៉ាងឆាប់រហ័ស។ ទោះជាយ៉ាងណា ការបញ្ចេញសំឡេង គឺមិនទាន់បានល្អនៅឡើយទេ ហេតុនេះប៉ាម៉ាក់ ត្រូវត្រងត្រាប់ស្តាប់ដោយយកចិត្តទុកដាក់ ដើម្បីអាចដឹងថា អូនៗចង់មានន័យយ៉ាងម៉េច។
អ្វីដែលអូនៗត្រូវការ
សកម្មភាពជាច្រើនទៀត ដូចជាការបង្រៀនឲ្យជិះម៉ូតូក្មេង ក៏អាចជួយអូនៗធ្វើការអភិវឌ្ឍន៍ប្រាជ្ញាស្មារតីបានដូចគ្នា។ ប៉ាម៉ាក់ៗ គួរតែផ្តោតយកចិត្តទុកដាក់ឲ្យច្រើនថែមទៀត ព្រោះនៅពេលអូនៗមានសកម្មភាពផ្សេងៗកាន់តែច្រើន អត្រាប្រឈមរងរបួស ក៏កាន់តែខ្ពស់ដូចគ្នា។ យ៉ាងណា រឿងដួលប៉ះទង្គិចក្បាលញឹកញាប់ ប៉ាម៉ាក់ច្បាស់ជាមិនអាចការពារអូនៗបាននោះដែរ ប៉ុន្តែត្រូវចាំថា របស់ណាមានកម្តៅ ឬរបស់មុតស្រួច សុទ្ធតែអាចបង្កគ្រោះថ្នាក់ចំពោះអូនៗគ្រប់ពេល។
ដំបូន្មានពី AptaAdvantage
អំឡុងពេលនេះ បើអូនៗចាប់អារម្មណ៍ ប៉ាម៉ាក់អាចចាប់ផ្តើមបង្រៀនអូនៗឲ្យចេញបន្ទោបង់លើចានបង្គន់ជ័រសម្រាប់ក្មេង។ ហើយវាធម្មតាទេ អនុញ្ញាតឲ្យអូនៗ អាចលេងរបស់គេពេញចិត្តនៅក្នុងបង្គន់ ឬមានសមាជិកគ្រួសារផ្សេងទៀត ចូលមកក្នុងបង្គន់ជាមួយ។ អំឡុងពេលនេះ កុំរំពឹងខ្ពស់ពេក ការបង្រៀនអូនៗបន្ទោបង់ល្អបំផុត គឺមិនត្រូវធ្វើឲ្យមានសម្ពាធលើអារម្មណ៍យើង និងកូននោះទេ។ ក្មេងៗជាធម្មតា រៀនចេះរបៀបបន្ទោបង់ត្រឹមត្រូវ នៅពេលពួកគេឈានដល់វ័យមត្តេយ្យសិក្សា ហេតុនេះ ម៉ាក់ប៉ាក៏មិនចាំបាច់បារម្ភ អូនៗរៀនបន្ទោបង់មិនចេះនោះដែរ។
៧- ពេលអូនៗអាយុ ១៩ខែ
អ្វីក្មេងតូចអាចចាប់ផ្តើមរៀនពេលនេះ
នៅវ័យនេះ យ៉ាងណាអូនៗនៅតែអាចដើរដួលគ្រប់ពេល បើទោះជាដៃជើងរបស់អូនៗ ចាប់ផ្តើមរឹងមាំអាចទប់ជំហរក្តី។ យ៉ាងណា ប៉ាម៉ាក់ៗមិនត្រូវជួយលើកអូនៗពេលអូនៗដួលនោះទេ ហើយត្រូវសរសើរអូនៗ នៅពេលគេព្យាយាមរៀនពីអ្វីដែលអូនៗធ្វើមិនទាន់បានល្អ។ អំឡុងពេលនេះដែរ ការគូររូប ផាត់ពណ៌ សុទ្ធតែចំណូលចិត្តអូនៗ ក៏ជាពេលយើងអាចដឹងបានថា អូនៗប្រើដៃស្តាំ ឬឆ្វេងដើម្បីកាន់ខ្មៅដៃ មុនពេលអូនៗឈានដល់វ័យ ២ឆ្នាំ។ ការប្រើដៃណាមួយសរសេរអក្សរ ឬគូររូប គឺជាការបញ្ជាមកពីខួរក្បាល ហេតុនេះកុំព្យាយាមរារាំងការសម្រេចចិត្តអូនៗអី។
អ្វីដែលអូនៗត្រូវការ
នៅពេលអូនៗរកឃើញអ្វីដែលខ្លួនប៉ិនប្រសប់ហើយនោះ អូនៗនឹងសប្បាយចិត្តសាកល្បងធ្វើរឿងទាំងនេះយ៉ាងយកចិត្តទុកដាក់។ រូបដែលយើងអាចឃើញលើក្រដាសអូនៗគូរ គឺបង្ហាញពីអ្វីអូនៗចាប់អារម្មណ៍ ព្រោះអូនៗគូរមិនមែនដោយសារផ្តោតអារម្មណ៍លើរូបអ្វីមួយនោះទេ។ ពេលអូនៗអាចគូររូបរង្វន់មួយបានត្រឹមត្រូវ អាចចាត់ទុកជាការធ្វើបានល្អបំផុតដែរអត់? ប៉ាម៉ាក់គួរតែឲ្យក្រដាសធំល្មមទៅអូនៗ ជាមួយខ្មៅដៃ ឬគូល័រ។ យ៉ាងណា ប៉ាម៉ាក់ ត្រូវប្រុងប្រយ័ត្នដូចគ្នា នៅពេលក្រដាសគូមិនគ្រប់គ្រាន់សម្រាប់អូនៗ អូនៗអាចនឹងគូរលើកម្រាលឥដ្ឋ និងសង្ហារឹម ហេតុនេះ គួរចេះការពារឲ្យបានត្រឹមត្រូវ។
អូនៗជាក្មេងមានគំនិតច្នៃប្រឌិតខ្ពស់ដែរអត់?
ដំបូន្មានពី AptaAdvantage
នៅពេលប៉ាម៉ាក់ ជំរុញកូនឲ្យប្រើដៃស្តាំ ស្មើនឹងបង្កើនហានិភ័យពន្យឺត ការអភិវឌ្ឍន៍របស់អូនៗ។ កុំបារម្ភច្រើនរឿងអូនៗប្រើដៃឆ្វេងនាំឲ្យមានបញ្ហានៅពេលអូនៗចូលសាលាមត្តេយ្យនោះ ព្រោះសាលា គឺសុទ្ធតែមានវិធីដោះស្រាយបញ្ហានេះបាន។ ការប្រើដៃឆ្វេង ជាធម្មតា ត្រូវគេចាត់ទុកជាមនុស្សមានគំនិតច្នៃប្រឌិតខ្ពស់ ជាងក្មេងដែលប្រើដៃស្តាំ។
៨- ពេលអូនៗអាយុ ២០ខែ
អ្វីក្មេងតូចអាចចាប់ផ្តើមរៀនពេលនេះ
ការលូតលាស់ផ្នែករាងកាយអាចនឹងចាប់ផ្តើមថមថយនៅពេលអូនៗឈានដល់វ័យ ២ឆ្នាំ។ យ៉ាងណា ការអភិវឌ្ឍន៍ជំនាញ ប្រាជ្ញាស្មារតី នៅអំឡុងពេលនេះ គឺលូតលាស់គួរឲ្យកត់សម្គាល់ ដែលជាពេលអូនៗអាចស្គាល់ខ្លួនរបស់គេនៅក្នុងកញ្ចក់ឆ្លុះ និងយល់ពីពាក្យថា "ខ្ញុំ"។ ប៉ាម៉ាក់ អាចសាកល្បងយកក្រែមទៅគូរលើថ្ពាល់ ច្រមុះអូនៗ គេនឹងឈរមើលខ្លួនឯងក្នុងកញ្ចក់ទៀតទេ អូនៗអាចលប់ក្រែមចេញពីមុខរបស់គេដោយខ្លួនឯង។
អ្វីដែលអូនៗត្រូវការ
ស្ករគ្រាប់ គឺមិនល្អសម្រាប់សុខភាពទេ ព្រោះវាមិនងាយរលាយពេលដាក់ចូលមាត់ ហើយធ្វើឲ្យស្អិតធ្មេញថែមទៀត។ មានស្ករគ្រាប់ជាច្រើនប្រភេទអាចទាក់ចិត្តក្មេងតូចៗខ្លាំង ប៉ុន្តែក៏ជាអាហារដែលងាយនាំឲ្យដង្កូវស៊ីធ្មេញ(ខូចធ្មេញ) ហេតុនេះជាការណែនាំ ឲ្យផ្តល់ជាតិផ្អែមល្អៗទៅឲ្យកូនជំនួសស្ករគ្រាប់ទាំងនោះ។ មានប៉ាម៉ាក់ជាច្រើន បានឲ្យផ្លែឈើក្រៀមទៅឲ្យកូនញ៉ាំ ជំនួសស្ករគ្រាប់ ហើយផ្លែឈើទាំងនោះទៀតសោត គឺមានសារធាតុចិញ្ចឹមចាំបាច់ជាច្រើន សំខាន់សម្រាប់ការលូតលាស់របស់អូនៗ។
ដំបូន្មានពី AptaAdvantage
ទោះជាយ៉ាងណា អំឡុងពេលនេះ ទឹកដោះគោ នៅតែជាអាហារសំខាន់សម្រាប់សុខភាពអូនៗ។ ទឹកដោះគោ នៅតែអាចផ្តល់សារធាតុចិញ្ចឹមសំខាន់ៗជាច្រើន អាចជួយដល់ការលូតលាស់របស់អូនៗ និងធ្វើឲ្យមានសុខភាពល្អ បើទោះជាអូនៗចាប់ផ្តើមញ៉ាំអាហារប្រចាំថ្ងៃក្តី។ ប៉ាម៉ាក់ៗ អាចផ្ឲ្យទឹកដោះគោដែលគេផលិតជាពិសេសសម្រាប់ក្មេងតូចៗ ហើយមានផ្ទុកសារធាតុចិញ្ចឹមចាំបាច់ ដូចជា វីតាមីន D និងជាតិអ៊ីយ៉ូដខ្ពស់ ពិសេសសម្រាប់អូនៗញ៉ាំអាហារបានតិចតួច។
៩- ពេលអូនៗអាយុ ២៣ខែ
អ្វីក្មេងតូចអាចចាប់ផ្តើមរៀនពេលនេះ
អូនៗមើលទៅដូចជាចាប់អារម្មណ៍មើលទូរទស្សន៍ខ្លាំងមែនអត់? រឿងនេះ អ្នកជំនាញជាច្រើន សុទ្ធតែលើកឡើងថា វាលឿនពេកហើយដែលអនុញ្ញាតឲ្យអូនៗមើលទូរទស្សន៍។ ហេតុផលសំខាន់បំផុតនៅពេលនេះ គឺថា អូនៗនៅមិនទាន់អាចបែងចែកអ្វីជាការប្រឌិត ឬការពិត ពីកម្មវិធីទូរទស្សន៍អូនៗបានមើលនោះទេ។ អូនៗអាចនឹងចងចាំរូបភាពជាច្រើនដែលឃើញក្នុងទូរទស្សន៍ នាំឲ្យអូនៗអាចនឹងយករូបភាពបានឃើញ ទៅប្រដូចនឹងវត្ថុ ឬមនុស្សនៅជុំវិញខ្លួនគេ។ ដូច្នេះហើយ បានជាទូរទស្សន៍ អាចនាំឲ្យអារម្មណ៍ក្មេងជ្រួលជ្រើមកាន់តែខ្លាំងឡើង។
អ្វីដែលអូនៗត្រូវការ
អំឡុងពេលនេះ ក្មេងភាគច្រើន ចង់បានក្តីស្រលាញ់ថ្នាក់ថ្នម និងការយកចិត្តទុកដាក់ពីប៉ាម៉ាក់ ក៏ជាពេលអូនៗអាចរៀនបើកគំនិតឲ្យទូលាយ និងមានម្ចាស់ការលើខ្លួនឯង។ ពេលខ្លះ យើងអាចមានអារម្មណ៍ថា អូនៗបំភ្លេចយើងក៏ពិតមែន ប៉ុន្តែរឿងទាំងនេះ ម៉ាក់ៗភាគច្រើន គឺគ្មានបញ្ហាទេ ដូចជាពេលកូនយើងគិតថា លេងជាមួយមិត្តភក្តិក្មេងៗផ្សេងទៀត គឺសំខាន់សម្រាប់ខ្លួនអូនៗ។ អំឡុងពេលនេះ យើងជាម៉ាក់ៗគេ ត្រូវសម្លឹងឲ្យបានវែងឆ្ងាយ ពិនិត្យមើលទំនាក់ទំនងរវាងយើងនិងកូនឲ្យបានច្រើន។ សំខាន់បំផុត ត្រូវចេះថ្លឹងថ្លែងឲ្យបានស្មើគេ ទាំងការអោបក្រសោបកូននិងអនុញ្ញាតឲ្យអូនៗមានសេរីភាពលេងជាមួយក្មេងដទៃ។ ធ្វើបែបនេះ មិនយូរមិនឆាប់ ប៉ាម៉ាក់ នឹងបានដឹងថា ដល់ពេលអូនៗអាចចូលសាលាមត្តេយ្យជាមួយក្មេងដទៃបានហើយ។
ដំបូន្មានពី AptaAdvantage
រឿងសំខាន់បំផុតប៉ាម៉ាក់ត្រូវធ្វើ គឺមានពេលគ្រប់គ្រាន់ដើម្បីផ្តល់ការយកចិត្តទុកដាក់ចំពោះអូនៗរៀងរាល់ថ្ងៃ ដែលនេះត្រូវចាត់ទុកថាយើងកំពុងជួយដល់ការអភិវឌ្ឍន៍របស់អូនៗ និងធ្វើឲ្យអូនៗកាន់តែមានទំនុកចិត្តលើខ្លួនឯង។ ការចំណាយពេលអោបក្រសោបកូន និយាយលេង ឬប្រឡែងជាមួយកូន គឺជារឿងមិនសំខាន់ដែលប៉ាម៉ាក់គួរធ្វើនោះទេ។
១០- ពេលអូនៗឈានដល់វ័យ ២៤ខែ
អ្វីក្មេងតូចអាចចាប់ផ្តើមរៀនពេលនេះ
អំឡុងពេលនេះ អូនៗនឹងអភិវឌ្ឍសុខភាពផ្លូវចិត្តរបស់គេកាន់តែប្រសើរឡើង។ អូនៗអាចនឹងស្វែងយល់ច្រើនពីការប្រាស្រ័យទាក់ទង ស្របពេលដែលប្រព័ន្ធចងចាំរបស់អូនៗកាន់តែល្អ។ ពេលដែល ប៉ាម៉ាក់នឹងឃើញថា ទាំងការបញ្ចេញសំឡេង និងការស្តាប់របស់អូនៗ កាន់តែរីកចម្រើនដូចគ្នា។ ចាក់ចំរៀងធម្មតាៗសម្រាប់ក្មេងៗឲ្យអូនៗស្តាប់ អាចជារឿងងាយស្រួល និងជួយការចងចាំអូនៗកាន់តែល្អ។ ជាមួយគ្នានេះ អូនៗអាចនឹងកាន់តែស្ទាត់ជំនាញជាមួយអ្វីពួកគេត្រូវធ្វើប្រចាំថ្ងៃ ដូចជាដុសធ្មេញ និងលាងដៃជាដើម។
អ្វីដែលអូនៗត្រូវការ
ការសិក្សាមួយផ្តោតទៅលើការអភិវឌ្ឍន៍ខួរក្បាលក្មេង បង្ហាញថា អំឡុងពេលឈានដល់វ័យ ២ឆ្នាំ អូនៗអាចនឹងធ្វើរឿងជាច្រើនដែលកើតមានជុំវិញខ្លួនអូនៗ ហើយប៉ាម៉ាក់ស្ទើរតែមិនជឿថាកូនយើងធ្វើបាននោះដែរ ជាក់ស្តែង អូនៗកាន់តែឆាប់ចាប់បានភាសាទី២ ទាំងគេទើបមានអាយុ ២ឆ្នាំ ដែលជាអំឡុងពេលប៉ាម៉ាក់ជាច្រើន មានការភ័យខ្លាចបាត់បង់ឱកាសដ៏ពិសេសមួយនេះ នាំឲ្យប៉ាម៉ាក់ខិតខំបង្រៀនកូនៗនូវរឿងជាច្រើន។ ទោះជាយ៉ាងណា នៅតែមានសំណួរចោទសួរ តើវាមានប្រយោជន៍ប៉ុនណា? ហើយប៉ាម៉ាក់ គួរតែសួរខ្លួនឯងផង តើយើងចង់ផ្តល់អ្វីឲ្យកូនជាទីស្រលាញ់នៅអំឡុងពេលនេះ? បង្រៀនអូនៗពីជំនាញគិតលេខមែនអត់? ចង់បង្រៀនភាសាបរទេសទៅកូន? ឬក៏ចង់ជួយជំរុញកូនយើងឲ្យបង្កើនសមត្ថភាពដើម្បីឆ្ពោះទៅរកអនាគតប្រកបដោយសុទិដ្ឋិនិយម អាចចេះតស៊ូក្នុងជីវិត ហ៊ានប្រឈមមុខជាមួយអ្នកដទៃ ប្រកបដោយភាពជឿជាក់ និងក្លាហាន។
ប្រធានបទពាក់ព័ន្ធ
អ្នកប្រឹក្សាយោបល់ រង់ចាំស្តាប់ និងពិគ្រោះជាមួយអ្នក អ្នកប្រឹក្សាយោបល់ផ្ទាល់ខ្លួនរបស់អ្នករួមមានជាអ្នកម្តាយផ្ទាល់ អ្នកទទួលបានឯកទេសឆ្មប
អ្នកប្រឹក្សាយោបល់ផ្ទាល់ខ្លួនរបស់អ្នករួមមានជាអ្នកម្តាយផ្ទាល់ អ្នកទទួលបានឯកទេសឆ្មប
កំណត់សម្គាល់សំខាន់៖
គ្មានអ្វីប្រសើរជាងការបំបៅកូនដោយទឹកដោះម្តាយតែមួយមុខគត់រហូតបាន៦ខែ និងបន្តការបំបៅដោះម្តាយរហូតបានអាយុ២ឆ្នាំ ឬលើសឡើយ។ យោងតាមអនុក្រឹត្យ 133។
ការចិញ្ចឹមកូនដោយបំបៅដោះ គឺជាទម្រង់ដ៏ល្អបំផុតសម្រាប់ទារក ហើយផ្តល់អត្ថប្រយោជន៍ ជាច្រើនទៅដល់ទារក និងមាតា។ នៅក្នុងពេលត្រៀមបំបៅដោះ និងអំឡុងពេលបំបៅដោះ វាគឺជាការសំខាន់ដែល គួរតែទទួលទាន នូវរបបអាហារដែលមានតុល្យភាព និងសុខភាពល្អ។ ការបំបៅដោះ និងប្រើទឹកដោះគោផងរួមគ្នា នៅសប្តាហ៍ ដំបូងនៃជីវិត អាចកាត់បន្ថយការផ្គត់ផ្គង់នៃទឹកដោះ ហើយនឹងធ្វើឲ្យការបំបៅទឹកដោះមានភាព លំបាក។ ជានិច្ចកាល ត្រូវពិគ្រោះយោបល់ជាមួយអ្នកជំនាញថែទាំសុខភាពដើម្បីសុំដំបូន្មានអំពីការចិញ្ចឹមកូនរបស់អ្នក។ បើសិនអ្នកប្រើទឹកដោះគោម្សៅផ្សំតាមរូបមន្ត អ្នកគួរធ្វើតាមការណែនាំរបស់រោងចក្រផលិត ដើម្បីប្រើប្រាស់ឲ្យបានប្រុងប្រយ័ត្ន។