ស្វែងយល់ពីប្រព័ន្ធការពារ​រាងកាយ​ ខួរក្បាល និងមេតាបូលីស

ដំណើរការអភិវឌ្ឍន៍ក្នុងរាង្គកាយរបស់ទារក គឺចាប់ផ្តើមតាំងពីដំណាក់កាលដំបូងនៃជីវិត ហើយមានកត្តាជាច្រើនសុទ្ធតែអាចជះឥទ្ធិពល​លើការអភិវឌ្ឍន៍ទាំងរូបរាងកាយ និង​ប្រាជ្ញាស្មារតី​ ពិសេសគឺរបបអាហារ។

វាមានឥទ្ធិពលវិជ្ជមានយូរអង្វែងទៅលើប្រព័ន្ធភាពស៊ាំ ការអភិវឌ្ឍន៍ខួរក្បាល និងដំណើរបំលែងអាហារ ឬមេតាបូលីសរបស់កុមារ។ មានកត្តារួមផ្សំជាច្រើនទៀត សុទ្ធតែអាចជះឥទ្ធិពលទៅលើការអភិវឌ្ឍរបស់ទារក។កត្តាតំនពូជ មិនមែនជាកត្តាតែមួយគត់ដែលកំណត់ដល់ការលូតលាស់នោះទេ តែឥទ្ធិពលពីបរិស្ថានខាងក្រៅអំឡុងពេលនៅក្នុងផ្ទៃម៉ាក់ៗ ក៏ដូចជាជីវិតដំណាក់កាលដំបូង សុទ្ធតែអាចមានឥទ្ធិពលទៅលើការអភិវឌ្ឍន៍សុខភាពកូនៗដូចគ្នា។ ដូចធ្លាប់បានប្រាប់ក្នុងអត្ថបទមុន របបអាហារអំឡុងរយៈពេលដំបូងនៃជីវិត ដែលគិតចាប់ពីថ្ងៃចាប់កំណើតរហូតដល់កុមារអាយុបាន ២ឆ្នាំ បានដើរតួយ៉ាងសំខាន់ក្នុងការកំណត់កត្តាសុខភាពរបស់កូនៗនាថ្ងៃអនាគត។​ នេះគឺជាឱកាសល្អមួយ សម្រាប់កូនៗអាចទទួលបានសុខភាពល្អនៅថ្ងៃអនាគត។

អំឡុងពេលពពោះ អ្នកម្ដាយទាំងអស់ សុទ្ធតែបានផ្តល់អាហារូបត្ថម្ភចម្បងឲ្យគភ៌ក្នុងផ្ទៃ។ ដែលចាប់ផ្តើមពីអាហារដែលញ៉ាំប្រចាំថ្ងៃ។ ឥឡូវនេះ អ្នកម្ដាយទាំងអស់អាចជួយដល់ការអភិវឌ្ឍន៍របស់ទារក តាមរយៈរបបអាហារល្អៗ និងមានតុល្យភាព ព្រោះថា សរីរាង្គកូនតូច នឹងប្រព័ន្ធប្រសាទសំខាន់ៗសុទ្ធតែពឹងផ្អែកទាំងស្រុងទៅលើកត្តាអាហារូបត្ថម្ភនេះ ពិសេសខួរក្បាល ប្រព័ន្ធភាពស៊ាំ និងមេតាបូលីសតែម្តង ។  

ការអភិវឌ្ឍន៍ប្រព័ន្ធការពាររឹងមាំរបស់ទារក (ប្រព័ន្ធការពារពីធម្មជាតិ)

ប្រព័ន្ធការពាររាងកាយពីធម្មជាតិ ជាបណ្តុំនៃកោសិកា ជាលិកា និងសរីរាង្គ ដែលបណ្តាញទាំងនេះ ធ្វើការរួមគ្នាដើម្បីការពាររាង្គកាយប្រឆាំងពីការឆ្លងមេរោគខាងក្រៅ។ ជាមួយគ្នានេះ ប្រព័ន្ធការពារពីធម្មជាតិរបស់ទារក បានធ្វើការរក្សាទុក្ខបាក់តេរីល្អៗក្នុងរាង្គកាយ ដែលអាចជួយឲ្យទារកមានសុខភាពល្អ។ ឧទាហរណ៍ថា​ បាក់តេរីល្អៗនៅក្នុងពោះវៀន ដូចជា Lactobacilli និង Bifidobacterium មានតួនាទីជួយកែច្នៃសារធាតុចិញ្ចឹមក្នុងអាហារឲ្យកាន់តែមានការប្រសើរឡើង។

ប្រព័ន្ធការពារពីធម្មជាតិ គឺជាប្រព័ន្ធពិសេស និងវៃឆ្លាត អាចស្វែងយល់ និងសម្របជាមួយបរិស្ថានជុំវិញខ្លួន ចាប់ពីថ្ងៃកើតដំបូងមកម្ល៉េះ។ អំឡុងឆ្នាំដំបូងក្រោយសម្រាល ពោះវៀនទារក គឺទទួលរងឥទ្ធិពលផ្ទាល់ពីរបបអាហារ មានន័យថា គ្រប់ប្រព័ន្ធការពារ និងប្រព័ន្ធប្រសាទសំខាន់ៗ ក៏កើតឡើង ដើម្បីជួយឲ្យក្មេងមានសុខភាពល្អនាថ្ងៃអនាគត។ ប្រព័ន្ធការពារពីធម្មជាតិដែលល្អ និងអាចបំពេញមុខងារប្រសើរ គឺមិនគ្រាន់តែអាចជួយកូនៗ​ ចៀសផុតពីជំងឺឆ្លងប៉ុណ្ណោះទេ ថែមទាំងអាចជួយកាត់បន្ថយហានិភ័យនៃការកើតជំងឺមួយចំនួន ពិសេសបញ្ហាអាលែកហ្ស៊ី ជំងឺត្រអក  ជំងឺប្រព័ន្ធភាពស៊ាំប្រឆាំងខ្លួនឯង និងសូម្បីតែជំងឺធាត់ជាដើម។

កសាងសរីរាង្គឲ្យរឹងរាំ និងខ្លាំងក្លា (ខួរក្បាល)

ញ្ញាណអារម្មណ៍ថ្មីៗចំពោះកូនក្មេងទើបនឹងកើត មានដូចជាពន្លឺ សំឡេង ក្លិន ដែលទាំងអស់នេះសុទ្ធតែវាយតម្លៃដោយខួរក្បាល តាមរយៈទទួលរងរំញោចពីខាងក្រៅ។ តំបន់រំញោចកណ្តាលដ៏សំខាន់ គឺត្រូវបង្កើតឡើង និងអភិវឌ្ឍនៅឯតំបន់ខួរក្បាល និងបណ្តាលប្រព័ន្ធប្រសាទផ្សេងទៀតជារៀងរាល់ថ្ងៃ។ ខួរក្បាលរបស់ទារកអាចឆ្លើយតបយ៉ាងរហ័សចំពោះបរិយាកាសជុំវិញ និងឥទ្ធិពលពីខាងក្រៅនៅក្នុងដំណាក់កាលដំបូងនៃការអភិវឌ្ឍន៍របស់ខួរក្បាល។ ក្នុងដំណាក់កាលនេះ គ្រប់បទពិសោធន៍ទាំងអស់ ដែលកូនអ្នកទទួលបាន សុទ្ធតែជះឥទ្ធិពលទៅលើការអភិវឌ្ឍខួរក្បាលរបស់គេ។

ជារៀងរាល់ថ្ងៃ មានប្រភេទអារម្មណខុសៗគ្នាជាច្រើនដែលកូនតូចរបស់អ្នកទទួលបាន ហើយដំណើរការនេះគឺត្រូវការនូវរបបអាហារដែលមានសារធាតុចិញ្ចឹមខ្ពស់ដើម្បីទ្រទ្រង់ដល់ការលូតលាស់ខួរក្បាលឱ្យបានឆាប់រហ័ស។ ពពួកខ្លាញ់ល្អ LCP ជាតិដែក ជាតិ choline សុទ្ធតែមានតួនាទីសំខាន់ជួយដល់ការអភិវឌ្ឍន៍ខួរក្បាលកុមារ។  

មូលដ្ឋានគ្រឹះនៃដំណើរការសំខាន់ៗក្នុងរាង្គកាយ (មេតាបូលីស)

មេតាបូលីស គឺជាឈ្មោះ នឹងដំណើរការជីវសាស្ត្រទាំងអស់ក្នុងរាង្គកាយ ដែលជួយបំប្លែង និងបញ្ជូនសារធាតុចិញ្ចឹមសំខាន់ៗទៅក្នុងខ្លួន។ សមាសធាតុក្នុងអាហារ មានដូចជា ស្ករ ខ្លាញ់ និងប្រូតេអ៊ីន សុទ្ធតែឆ្លងកាត់មេតាបូលីស ដើម្បីបំប្លែងទៅជាប្រភពនៃថាមពល ដើម្បីកោសិកាទាំងអស់ក្នុងរាង្គកាយទាញយកទៅប្រើប្រាស់។

ការធ្វើមេតាបូលីសរបស់ទារក នៅក្នុងឆ្នាំដំបូង រាង្គកាយក្មេង នឹងត្រូវរក្សាគ្រប់ដំណើរការ និងមុខងារសំខាន់ៗក្នុងរាង្គកាយ ដើម្បីវិវត្តកាន់តែប្រសើរនៅថ្ងៃអនាគត។

បញ្ជាក់៖ រាល់ព័ត៌មានដែលវេបសាយយើងចេញផ្សាយដើម្បីចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវេបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕