ក្រោយសម្រាល​រួចហើយ ​ដល់​ពេល​​ត្រឡប់​ចូល​ធ្វើ​ការ​វិញ តើអ្នកគួរ​ត្រៀម​អី្វ​ខ្លះ?

១- ពិចារណាឲ្យបានច្បាស់មុនសម្រេចចិត្តចូលធ្វើការ

នៅត្រង់ចំណុចនេះ សំណួរដែលអ្នកគួរពិចារណគឺថា គួរធ្វើការក្រៅម៉ោង ឬការងារពេញម៉ោង? តើអ្នកគួរធ្វើយ៉ាងម៉េចដើម្បីមានពេលវេលាគ្រប់គ្រាន់សម្រាប់​គ្រួសារ ជាពិសេ​សកូន​តូច និងការងារ? គួរត្រៀមអ្វីខ្លះមុននឹងចាប់ផ្តើមចូលធ្វើការវិញ?

ត្រឡប់ចូលធ្វើការងារវិញក្រោយសម្រាល ជារឿងល្អមួយ ប៉ុន្តែអ្នកមួយចំនួន នឹងបោះបង់ចោលការងារក្រោយប្រើច្បាប់មាតុភាព ហើយចាប់ផ្តើមជាមួយការងារថ្មី ឬក៏ចាប់ផ្តើមចេញរកស៊ីខ្លួនឯងក៏មាន។

ក្រោយសម្រាកបន្ទាប់ពីសម្រាលកូនរួច អ្នកអាចនឹងត្រូវការពេលវេលាធ្វើការងារនៅផ្ទះ ២-៣ ថ្ងៃ ហើយ ២-៣ ថ្ងៃទៀត ធ្វើការនៅក្រុមហ៊ុន។

២- ការណែនាំខ្លះៗមុនចាប់ផ្តើមចួលធ្វើការ

- ស្វែងរកការងារណា ដែលមានម៉ោងធ្វើការសក្តិសមនឹងស្ថានភាពអ្នក៖

បើអាចមានពេលវេលាចូលធ្វើការបានពីព្រឹកបន្តិច វាក៏ងាយស្រួលបន្តិច ព្រោះអ្នកមានពេលគ្រប់គ្រាន់ដើម្បីចេញទៅទទួលកូនពីកន្លែងមើលថែកូន ឬសាលាមត្តេយ្យជាដើម។

បើអ្នកមានបំណងចង់ឲ្យមិត្តរួមការងារជួយចែករំលែកការងារអ្នកនៅសេសសល់ប្រចាំថ្ងៃ អ្នកត្រូវរកមិត្តរួមការងារណា ទទួលខុសត្រូវការងារដូចអ្នក និងចង់ចែករំលែកការងារជាមួយអ្នកពេលគេរវល់ដូចគ្នា។ អ្វីសំខាន់បំផុត ត្រូវចេះបង្កើតការគាំទ្រគ្នាទៅវិញទៅមកសម្រាប់រយៈពេលវែង និងត្រូវជឿជាក់គ្នា។

កុំចោល​មិត្តភក្ដិ និង​ការប្រឹក្សា៖

ត្រឡប់ចូលធ្វើការក្រោយសម្រាលទាំងប្រញាប់ប្រញាល់ មិនមែនជារឿងងាយស្រួលទេ ព្រោះជីវិតប្រចាំថ្ងៃ ការថែទាំកូន និងបំពេញការងារ ទាមទារការរៀបចំឡើងវិញទាំងអស់។ ក្នុងស្ថានភាពមួយគ្រួសារអ្នកពឹងផ្អែកចំណូលប្រចាំខែដើម្បីចំណាយ ដូច្នេះអ្នកអាចត្រឡប់ទៅធ្វើការ ប៉ុន្តែត្រូវចាំថា ទាំងការបំពេញការងារ និងថែទាំកូន សុទ្ធតែធ្វើឲ្យអ្នកសប្បាយចិត្ត។

បញ្ជាក់៖ រាល់ព័ត៌មានដែលវេបសាយយើងចេញផ្សាយដើម្បីចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវេបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕