ហេតុអ្វី​​ គួរហាត់ប្រាណពេល​ពពោះ?
 

• ត្រូវពិភាក្សាជាមួយគ្រូពេទ្យ មុនពេលចាប់ផ្ដើមហាត់ប្រាណវិធីណាមួយអំឡុងពេលមានផ្ទៃពោះ។

អ្នកម្តាយពពោះគ្រប់គ្នាមិនគួរមើលរំលងការហាត់ប្រាណ និងការបញ្ចេញសកម្មភាពរាងកាយនោះទេ។ ខាងក្រោមនេះ គឺជាប្រភេទកីឡាក្រោមការណែនាំតាមបែបវេជ្ជសាស្រ្ត ដែលសក្តិសមសម្រាប់អ្នក ក្នុងអំឡុងពេលពពោះ និងអ្វីដែលអ្នកគួរតែពិចារណា។

តើមានកីឡាប្រភេទណាខ្លះសក្តិសមនឹងស្ថានភាពគភ៌ក្នុងផ្ទៃរបស់អ្នក? ធ្វើម៉េចកុំឲ្យមានរំញ័រខ្លួនខ្លាំង? គួរហាត់ប្រាណប្រភេទយូហ្គាអំឡុងពេលពពោះមែនអត់? សំណួរទាំងនេះ ឧស្សាហ៍ត្រូវបានអ្នកម្តាយដែលចាប់ផ្តើមពពោះចោទសួរណាស់។ ប៉ុន្តែកុំបារម្ភអី ដរាបណាការពពោះរបស់អ្នកមិនប្រឈមហានិភ័យគ្រោះថ្នាក់ណាមួយទេ អ្នកនៅតែអាចប្រឹក្សាជាមួយពេទ្យ ដើម្បីដឹងថា ប្រភេទកីឡាអ្វីដែលល្អសម្រាប់យើង និងមិនបង្កហានិភ័យគ្រោះថ្នាក់ដល់កូនក្នុងផ្ទៃ។

១- ហេតុអី្វកីឡាអាចជួយឲ្យសុខភាពល្អ អំឡុងពេលពពោះ?

គ្រប់គ្នាសុទ្ធតែត្រូវការលំហាត់ប្រាណក្រោមការណែនាំតាមបែបវេជ្ជសាស្រ្ត ជាប្រចាំ គ្រប់វ័យ និងស្ថានភាពសុខភាព។ ខណៈអំឡុងពេលពពោះ ការហាត់ប្រាណ គឺល្អដូចគ្នា។ ការហាត់ប្រាណ អាចជួយកាត់បន្ថយអាការៈឈឺខ្នងពេលពពោះ និងរក្សាជាតិទឹកក្នុងខ្លួន ដែលអាចជួយឲ្យស្ថានភាពផ្លូវចិត្តមានតុល្យភាពល្អ។ ហើយកុំភ្លេចថា ការហាត់ប្រាណពង្រឹងក្បាលពោះ និងហាត់ប្រាណពង្រឹងសាច់ដុំត្រគាក ត្រឹមត្រូវ សុទ្ធតែអាចជួយដល់ការសម្រាលកាន់តែងាយស្រួល។ ពិសេសក្រោយសម្រាលរួច សុខភាពរបស់អ្នកក៏ងាយនឹងត្រឡប់មកសភាពដើមវិញដូចគ្នា។ 

២- កម្រិតលំ​​ហាត់ប្រាណក្រោមការណែនាំតាមបែបវេជ្ជសាស្រ្ត​ប៉ុណ្ណា អាចជួយឲ្យមានសុខភាពល្អ?

អ្នកអាចនិយាយគ្នាលេងបានស្រួលក្នុងពេលហាត់ប្រាណ នេះបញ្ជាក់ថាវាជាកម្រិតលំហាត់ប្រាណត្រឹមត្រូវ។

៣- គុណប្រយោជន៍ពីការហាត់ប្រាណក្នុងទឹកក្រោមការណែនាំតាមបែបវេជ្ជសាស្រ្ត

ការហែលទឹក រត់ក្នុងទឹក ​ធាក់កង់ក្នុងទឹក និងបញ្ចេញកាយវិការក្នុងទឹក ដែលទទួលបានការណែនាំពីគ្រូជំនាញត្រឹមត្រូវ សុទ្ធតែមានសុវត្ថិភាពចំពោះស្រី្តអំឡុងពេលពពោះ។ បើទោះជាការពពោះឈានដល់ដំណាក់កាលចុងក្រោយក្តី អ្នកនៅតែមានភាពងាយស្រួល បញ្ចេញកាយវិការក្នុងទឹក ទោះជាទម្ងន់យើងឡើងខ្លាំងក៏ដោយ។ អ្វីដែលរាងកាយយើងត្រូវការចាំបាច់បំផុតអំឡុងពេលហាត់ប្រាណ ទោះជាលំហាត់ប្រាណលើការពង្រឹងសាច់ដុំជើង ដងខ្លួន ឬដៃក៏ដោយ សុទ្ធតែត្រូវការអុកស៊ីហ្សែនមកផ្គត់ផ្គង់។ 

៤- ដឹងពីសមត្ថភាព​រាង្គកាយ​ ​កុំធ្វើអ្វីឲ្យហួសសមត្ថភាព

បើទោះនៅតែកន្លែងស្ងួត យើងនៅតែអាចហាត់ប្រាណបានដោយសុវត្ថិភាព។ លំហាត់ប្រាណបែបអេរ៉ូទិកក្រោមការណែនាំតាមបែបវេជ្ជសាស្រ្តដូចជាដើរ រត់តិចៗ និងជិះកង់ជាដើម ឬក៏ហាត់ប្រាណពង្រឹងសាច់ដុំ ដូចជាយូហ្គា នៅក្លឹបហាត់ប្រាណ សុទ្ធតែត្រូវបានអ្នកជំនាញអនុញ្ញាត។ ប៉ុន្តែត្រូវចាំថា កុំធ្វើអ្វីឲ្យហួសប្រមាណ ត្រូវដឹងពីស្ថានភាពរាងកាយរបស់ខ្លួន។ វិធីហាត់ប្រាណហៅថា Tabu ដែលជាវិធីហាត់ប្រាណបែបធ្ងន់ បែបក្បាច់គុណ និងកីឡាផ្សេងទៀត ដូចជាជិះស្គី ជិះសេះ រមៀល ដែលអាចប្រឈមការដួល គឺមិនត្រូវហាត់ទេ។ ជាមួយគ្នានេះ ប្រភេទកីឡាដែលស្រី្តពពោះ គួរជៀសវាង មានដូចជាទាត់បាល់ លោត ឬការប្រកួតវាយគ្នាជាដើម។ អ្វីដែលស្រី្តពពោះគួរចាប់ផ្តើមហាត់ គឺដើរ និងហែលទឹក។ រយៈពេលសម្រាប់ការហាត់គួរតែបង្កើនឡើងបន្តិចម្តងៗ ។

៥- អ្វីកើតឡើងនៅពេលជិតដល់ថ្ងៃសម្រាល?

នៅចុងត្រីមាសទី ៣ នៃការពពោះអ្នកត្រូវកាត់បន្ថយការហាត់ប្រាណព្រោះថាវាអាចប៉ះពាល់ច្រើនទៅលើពោះ និងការលូតលាស់គភ៌ក្នុងផ្ទៃ ខណៈដែលមានសកម្មភាពជាច្រើនទៀតមិនសក្តិសមសម្រាប់អ្នកដែលពពោះក្នុងអំឡុងពេលនេះ។ លើសពីនេះ អ្នកកាន់តែប្រឈមគ្រោះថ្នាក់ខ្ពស់ ព្រោះថាអំឡុងពេលនេះ អ័រម៉ូនពពោះប្រូហ្គេស្តេរ៉ូន នឹងបញ្ចេញមក ដើម្បីជួយបន្ធូរសន្លាក់ និងសរសៃចំណង ជួយឲ្យស្បូនបើកដើម្បីសម្រាលគភ៌ចេញមកក្រៅ។ អ្វីល្អបំផុត ត្រូវដឹងពីស្ថានភាពរាងកាយ និងអារម្មណ៍របស់អ្នក និងគភ៌ក្នុងផ្ទៃ។ ជិះកង់ ហែលទឹក និងហាត់ប្រាណបែបអេរ៉ូទិកក្នុងទឹក សុទ្ធតែជាលំហាត់ប្រាណដែលអ្នកអាចហាត់បានរហូតជិតដល់ថ្ងៃសម្រាល។

៦- គន្លឹះខ្លះៗដែលអ្នកគួរពិចារណា

ហាត់ប្រាណដោយហែលទឹក គឺងាយស្រួល និងមិនប៉ះពាល់ដល់អ្នក និងគភ៌នោះឡើយ តែថែមទាំងជួយបំបាត់អាការៈឈឺសន្លាក់ទៀតផង។ ហាត់ប្រាណក្រោយសម្រាល៖ ក្រោយសម្រាលកូនរួច រាងកាយ និងអារម្មណ៍សុទ្ធតែធូរស្រាល ហើយក៏ជាពេលមួយដែលអ្នកអាចប្រមូលកម្លាំងកំហែងត្រឡប់មកវិញដូចគ្នា។ ការចាប់ផ្តើមបន្តិចម្តងៗ មួយជំហានៗ រហូតដល់យើងអាចត្រឡប់ទៅហាត់ប្រាណជាធម្មតាវិញបានហើយ។ ប៉ុន្តែបើអ្នកសម្រាលដោយវះកាត់ គួរតែទុកពេលចន្លោះពី ៦-៨ សប្តាហ៍ជាមុនសិន ចាំចាប់ផ្តើមត្រឡប់មកហាត់ប្រាណធម្មតាវិញ ឬអ្នកត្រូវតែពិគ្រោះយោបល់ជាមួយអ្នកជំនាញផ្នែកសុខភាព។​

៧- ពេលណាអាចលេងកីឡា ឬមិនគួរលេងកីឡា?

ក្នុងករណីនេះអ្នកគួរតែប្រឹក្សាជាមួយគ្រូពេទ្យ បើសិនជា៖

- រំពឹងមានកូនលើសពីមួយ

- មានបញ្ហាលើសឈាម

- ប្រឈមសម្រាលមុនខែ

- សុកពាំងមាត់ស្បូន

- មានធ្លាក់ឈាមច្រើន

- មានបញ្ហាឈឺចាប់ខ្នងផ្នែកខាងក្រោយ ឬឈឺសន្លាក់

- ធ្លាប់រលូតកូន។

បញ្ជាក់៖ រាល់ព័ត៌មានដែលវេបសាយយើងចេញផ្សាយដើម្បីចែករំលែកចំណេះដឹងប៉ុណ្ណោះ ហើយព័ត៌មានទាំងនោះ មិនអាចជំនួសដំបូន្មានពីពេទ្យជំនាញ ចំពោះស្ថានភាពសុខភាពជាក់ស្ដែងរបស់អ្នកជំងឺឡើយ។ ដូច្នេះមិនត្រូវបោះបង់ មិនស្ដាប់ដំបូន្មាន ពន្យារពេល ឬមិនទៅជួបពិគ្រោះយោបល់ជាមួយគ្រូពេទ្យ ដោយសារអ្នកបានអានព័ត៌មានណាមួយលើវេបសាយនេះឡើយ។ រាល់ពេលចាប់ផ្ដើមវិធីសាស្ត្រព្យាបាលណាមួយ ត្រូវប្រាកដថា បានពិគ្រោះ និងទទួលការអនុញ្ញាតពីគ្រូពេទ្យជំនាញ៕